ഇരിട്ടി താലൂക്ക് ഓഫീസ് ജനുവരി 1 മുതൽ പുതിയ കെട്ടിടത്തിൽ പ്രവർത്തനമാരംഭിക്കും

ഇരിട്ടി : ഇരിട്ടി പുതിയ ബസ്റ്റാന്റിൽ പ്രവർത്തിച്ചു വന്നിരുന്ന ഇരിട്ടി താലൂക്ക് ഓഫീസ് പുതു വത്സര ദിനമായ വെള്ളിയാഴ്ച മുതൽ പുതിയ കെട്ടിടത്തിലേക്ക് പ്രവർത്തനം മാറ്റുന്നു. ഇരിട്ടി ടൗണിലെ മുസ്‌ലിം പള്ളിക്ക് സമീപമുള്ള യൂണിറ്റി കമേഴ്‌സ്യൽ കോംപ്ലക്സിലേക്കാണ് പ്രവർത്തനം മാറ്റുന്നത്. കോവിഡ് മാനദണ്ഡപ്രകാരം രാവിലെ 10 മണിക്ക് നടക്കുന്ന ലളിതമായ  ചടങ്ങിൽ കണ്ണൂർ എ ഡി എം ഇ.പി. മേഴ്‌സി, മുൻസിപ്പൽ ചെയർ പേഴ്‌സൺ എം. ശ്രീലത എന്നിവർ സംബന്ധിക്കും. താലൂക്ക് സർവേ വിഭാഗം , ഇലക്ഷൻ ഡെസ്ക് അടക്കം പഴയ  താലൂക്ക് ഓഫീസുമായി ബന്ധപ്പെട്ട വിഭാഗങ്ങൾ മുഴുവൻ ഇനി മുതൽ ഇവിടെയാണ് പ്രവർത്തിക്കുക.