കാര്ഷിക നിയമത്തിന് സുപ്രീംകോടതിയുടെ സ്റ്റേ
ന്യൂഡൽഹി: കേന്ദ്രസര്ക്കാര് കൊണ്ടുവന്ന കാര്ഷിക നിയമം സുപ്രീംകോടതി സ്റ്റേ ചെയ്തു. നിയമഭേദഗതി തല്ക്കാലം നടപ്പാക്കരുതെന്ന് കോടതി പറഞ്ഞു. ബില് കൊണ്ടുവരുമ്പോള് എന്ത് കൂടിയാലോചനയാണ് കേന്ദ്രം നടത്തിയതെന്ന് സുപ്രീംകോടതി ചോദിച്ചു. കേന്ദ്രസര്ക്കാരിനെതിരെ രൂക്ഷവിമര്ശനം നടത്തിയാണ് ബില് കോടതി സ്റ്റേ ചെയ്തത്.
നിയമത്തിനെതിരെ കര്ഷകര് ഒരു മാസത്തിലേറെയായി സമരത്തിലാണ്. കര്ഷകരും കേന്ദ്ര സര്ക്കാരും തമ്മില് വെള്ളിയാഴ്ചയാണ് അടുത്ത ഘട്ട ചര്ച്ചകള് നടത്താന് തീരുമാനിച്ചിരിക്കുന്നത്. കര്ഷകരും കേന്ദ്ര സര്ക്കാരും തമ്മില് 7 തവണ ചേര്ന്ന ചര്ച്ചകളും പരാജയമായിരുന്നു.
കേന്ദ്രം കര്ഷകരുമായി ഇതുവരെ നടത്തിയ അവസാന ചര്ച്ചയും പരാജയപ്പെട്ടിരുന്നു. കേന്ദ്രമന്ത്രി നരേന്ദ്രസിംഗ് തോമറിന്റെ നേതൃത്വത്തിലായിരുന്നു കര്ഷകരുമായി ഏഴാംഘട്ട ചര്ച്ച നടന്നത്. കേന്ദ്രവും കര്ഷക സംഘടനകളും തങ്ങളുടെ നിലപാടില് ഉറച്ച് നിന്നതോടെയാണ് ഏഴാംഘട്ട ചര്ച്ചയും പരാജയപ്പെട്ടത്.
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ